ਅਮਰੀਕੀ ਰਾਸ਼ਟਰਪਤੀ ਓਬਾਮਾ ਆਪਣੀ ਲੜਕੀਆਂ ਨੂੰ ਲੜਕਿਆਂ ਤੋਂ ਬਚਾਉਣ ਲਈ ਰੱਖਣਗੇ ਕਮਾਂਡੋ

ਵਾਸ਼ਿੰਗਟਨ, 18 ਅਗਸਤ : ਅਮਰੀਕੀ ਰਾਸ਼ਟਰਪਤੀ ਦੇ ਤੌਰ ‘ਤੇ ਆਪਣੇ ਦੂਜੇ ਕਾਰਜਕਾਲ ਨੂੰ ਲੈ ਕੇ ਦੁਚਿੱਤੀ ਵਿਚ ਪਏ ਬਰਾਕ ਓਬਾਮਾ ਆਪਣੀਆਂ ਦੋਵੇਂ ਲੜਕੀਆਂ ਨੂੰ ਲੜਕਿਆਂ ਤੋਂ ਦੂਰ ਰੱਖਣ ਲਈ ਆਪਣੇ ਖੁਫੀਆ ਸੇਵਾ ਕਮਾਂਡੋ ਦਾ ਇਸਤੇਮਾਲ ਕਰਨਗੇ। ਇਕ ਟੀ.ਵੀ. ਸ਼ੋਅ ਵਿਚ ਸਵਾਲ ਪੁੱਛੇ ਜਾਣ ‘ਤੇ ਮਜ਼ਾਕੀਆ ਮੂਡ ਵਿਚ ਓਬਾਮਾ ਨੇ ਇਹ ਗੱਲ ਆਖੀ।
ਸੀ.ਐਨ.ਐਨ. ਦੇ ਇਕ ਸ਼ੋਅ ਵਿਚ ਓਬਾਮਾ ਤੋਂ ਪੁੱਛਿਆ ਗਿਆ ਕਿ ਪਿਛਲੀ ਵਾਰ ਜਦੋਂ ਤੁਸੀਂ ਰਾਸ਼ਟਰਪਤੀ ਚੁਣੇ ਗਏ ਸੀ ਤਾਂ ਤੁਸੀਂ ਆਪਣਾ ਸਾਸਾ ਅਤੇ ਮਾਲਿਆ ਨੂੰ ਇਕ ਪਿਆਰਾ ਚੁੰਮਣ ਤੋਹਫੇ ਵਿਚ ਦਿੱਤਾ ਗਿਆ ਸੀ ਜੇਕਰ ਅਗਲੀ ਵਾਰ ਵੀ ਚੁਣੇ ਗਏ ਤਾਂ ਆਪਣੀਆਂ ਲੜਕੀਆਂ ਨੂੰ ਕੀ ਦੇਵੋਗੇ।
ਇਸ ‘ਤੇ ਓਬਾਮਾ ਨੇ ਕਿਹਾ ਕਿ ਜੇਕਰ ਮੈਂ ਦੁਬਾਰਾ ਰਾਸ਼ਟਰਪਤੀ ਚੁਣਿਆ ਜਾਂਦਾ ਹਾਂ ਤਾਂ ਆਪਣੀਆਂ ਲੜਕੀਆਂ ਲਈ ਖੁਫੀਆ ਸੇਵਾ ਕਮਾਂਡੋਜ਼ ਦੀਆਂ ਸੇਵਾਵਾਂ ਲਵਾਂਗਾ ਤਾਂ ਕਿ ਜੇਕਰ ਲੜਕੇ ਉਨ੍ਹਾਂ ਨਾਲ ਡੇਟਿੰਗ ਕਰਨਾ ਚਾਹੁੰਣ ਤਾਂ ਉਨ੍ਹਾਂ ਨੂੰ ਪਤਾ ਹੋਵੇ ਅਤੇ ਉਹ ਕਮਾਂਡੋ ਅਤੇ ਬੰਦੂਕਾਂ ਨਾਲ ਘਿਰੇ ਰਹਿਣਗੇ ਇਹੀ ਮੇਰੀਆਂ ਲੜਕੀਆਂ ਦਾ ਤੋਹਫਾ ਹੋਵੇਗਾ। ਓਬਾਮਾ ਦਾ ਇਹ ਇੰਟਰਵਿਊ ਉਨ੍ਹਾਂ ਦੇ ਤਿੰਨ ਦਿਨਾਂ ਬੱਸ ਦੌਰੇ ਤੋਂ ਪਹਿਲਾਂ ਆਇਆ ਹੈ।